போனிகபூர் தயாரிப்பில் ‘சதுரங்கவேட்டை’, ‘தீரன் அதிகாரம் ஒன்று’ ஆகிய படங்களை இயக்கிய வினோத் இயக்கத்தில் அஜித் நடிக்கும் படம் ‘நேர்கொண்ட பார்வை’. இந்த படத்தில் அஜித்துடன் பாலிவுட் நடிகை வித்யா பாலன் மற்றும் ஷ்ரத்தா ஸ்ரீநாத், அபிராமி வெங்கடாசலம், ஆண்ட்ரியா தாரியங், ஆதிக் ரவிச்சந்திரன் ஆகியோர்கள் நடித்திருக்கின்றனர்.
இந்த படத்தில் இடம் பெறும் ஒரு பாடலுக்கு ஏராளமான பாலிவுட் படங்களில் நடித்து புகழ்பெற்ற பாலிவுட் நடிகை கல்கி கோச்சல் நடனம் ஆடியுள்ளாராம். கல்கி கோச்சல் புதுச்சேரியில் பிறந்த பிரெஞ்சு நாட்டை பூர்வீகமாக கொண்டவர். ‘பிங்க்’ ஹிந்தி படத்தின் ரீ-மெக்காக உருவாகியுள்ள இந்த படத்தின் படப்பிடிப்பு முடிவடைந்து போஸ்ட் புரொடக்ஷன் வேலைகள் படு விறுவிறுப்பாக நடந்து வந்தன.
இந்நிலையில் ‘நேர்கொண்ட பார்வை’ முழுப்படத்தையும் தான் பார்த்துவிட்டதாகவும் படம் சிறப்பாக இருப்பதாகவும்இ அஜித் நடிப்பு பிரமாதமாக வந்துள்ளதாகவும் டுவிட்டரில் தெரிவித்துள்ளார் போனிகபூர். யுவன் சங்கர் ராஜா இசை அமைத்து வரும் ‘நேர்கொண்ட பார்வை’ ஆகஸ்ட் 10-ஆம் தேதி வெளியாக இருக்கிறது.