இந்திய வானிலை ஆய்வு மையம் எச்சரிக்கை விடுத்துள்ளது : அடுத்த இரு நாட்களுக்கு அனல் காற்று வீசும்…

நாட்டின் பல்வேறு பகுதிகளில் இன்று முதல் அடுத்த இரு நாட்களுக்கு அனல் காற்று வீசும் என்று இந்திய வானிலை ஆய்வு மையம் எச்சரிக்கை விடுத்துள்ளது. தமிழ்நாடு, ராயலசீமா, தெற்கு கடலோர ஆந்திரா, மத்திய பிரதேசம், குஜராத், சத்திஷ்கர், உத்தரபிரதேசம், ஆகிய இடங்களில் அனல்காற்று வீசும் என்று அதிகாரிகள் எச்சரித்தனர். மத்திய பிரதேசத்தின் சில பகுதிகள், மகாராஷ்டிராவில் விதர்பா, மராத்வாடா ஆகிய இடங்களில் அனல்காற்றின் தாக்கம் மிக கடுமையாக இருக்கும் என்றும் அதிகாரிகள் கூறினர்.வழக்கமான அதிகபட்ச வெப்பநிலையை விட, இயல்புக்கு மாறாக குறிப்பிட்ட சில தினங்களில் வெப்பம் அதிகரிக்கும் போது அனல் காற்று வீசும். வட இந்தியாவில் இதுவரை குறைவான வெப்பநிலை இருந்து வந்த நிலையில் திடீரென வெப்பம் அதிகரித்துள்ளது. நாட்டின் கிழக்கு மற்றும் வடகிழக்கு பகுதிகளை தவிர, பல்வேறு இடங்களில் இன்று முதல் வரும் 4 ஆம் தேதி வரை வெப்பநிலை அதிகரிக்கும் என்று வானிலை மைய அதிகாரிகள் தெரிவித்தனர்.