கனடாவில் இரண்டு மணி நேர இடைவெளியில் ஒரே ரயில் மீது வெவ்வேறு இடங்களில் இரண்டு வாகனங்கள் மோதி விபத்து நிகழ்ந்துள்ளது.
![](https://paarvaionline.com/wp-content/uploads/2020/12/trai-canada.jpg)
Manitoba பகுதியில், Winkler என்ற இடத்துக்கு கிழக்கே உள்ள ஆளில்லா ரயில்வே கிராஸிங் ஒன்றில் வேகமாக வந்த வாகனம் ஒன்று ரயில் ஒன்றின் மீது மோதியதில், அந்த வாகனம் பல முறை உருண்டு விழுந்துள்ளது. அதில் பயணித்த 53 வயது நபர் ஒருவருக்கு காயங்கள் ஏற்பட்டுள்ளன என்றாலும் அவரது உயிருக்கு ஆபத்தில்லை.
இந்த விபத்து நிகழ்ந்து இரண்டு மணி நேரத்துக்குப் பின், Winkler என்ற இடத்துக்கு மேற்கே உள்ள ரயில்வே கிராஸிங் ஒன்றில் வேகமாக வந்த வாகனம் ஒன்று அதே ரயில் மீது மோதியுள்ளது.
அந்த வாகனம் பள்ளம் ஒன்றில் விழுந்த நிலையில், அந்த வாகனத்தை ஓட்டிய 19 வயது பெண்ணுக்கு சம்பவ இடத்திலேயே சிகிச்சையளிக்கப்பட்டது.
இந்த விபத்துகள் தொடர்பாக ரயில்வே பொலிசார் விசாரணை நடத்தி வருகின்றனர்.