கனிவான பேச்சுக்களின் மூலம் அனைவரையும் ஈர்க்கும் வல்லமை கொண்ட கன்னி ராசி அன்பர்களே…!!

2022ஆம் வருடமானது கன்னி ராசி அன்பர்களுக்கு வித்தியாசமான சிந்தனைகளின் மூலமும், புதுமையான வியூகங்களின் மூலமும் திறமைகளை வெளிப்படுத்தி தங்களுக்கென புதிய அத்தியாயத்தை உருவாக்குவதற்கான வாய்ப்புகள் ஏற்படும். வாக்கு சாதுர்யத்தின் மூலம் பலரின் மனதையும், எண்ணத்தையும் ஈர்ப்பீர்கள்.

பொருளாதாரம் :

பொருளாதாரம் தொடர்பான விஷயங்களில் இருந்துவந்த நெருக்கடிகள் நீங்கி மகிழ்ச்சியான சூழ்நிலைகள் காணப்படும். பொருளாதாரத்தில் முயற்சிக்கு உண்டான பலன் கிடைக்கப் பெறுவீர்கள். சிறு வியாபார பணிகளில் தடைகள் ஏற்பட்டாலும், அதற்கான பலன்கள் உண்டாகும்.

பெண்களுக்கு :

பெண்களுக்கு உடன்பிறந்தவர்களுடன் கருத்து வேறுபாடுகள் ஏற்பட்டாலும் ஒற்றுமை குறையாது. உடல் ஆரோக்கியத்தில் ஏற்ற, இறக்கங்கள் காணப்படும். உயர்கல்வி தொடர்பான முயற்சிகள் சாதகமான பலன்களை ஏற்படுத்தும். உத்தியோக பணிகளில் பொறுப்புகளும், அலைச்சல்களும் அதிகரிக்கும்.

மாணவர்களுக்கு :

அடிப்படை கல்வி பயிலும் மாணவர்களுக்கு நல்ல மதிப்பெண்களும், பாராட்டுகளும் கிடைக்கும். உயர்கல்வி பயிலும் மாணவர்கள் சற்று கவனத்துடன் இருக்க வேண்டும். திறமைகளை வளர்த்துக் கொள்வதற்கான வாய்ப்புகள் உண்டாகும்.

உத்தியோகஸ்தர்களுக்கு :

உத்தியோக பணிகளில் பெரும்போக்கான சிந்தனைகளின் மூலம் பலருடைய ஆதரவை பெறுவீர்கள். மறைமுகமான திறமைகளின் மூலம் சாதகமான வாய்ப்புகளை உருவாக்கிக் கொள்வீர்கள். உடல் ஆரோக்கியம் தொடர்பான விஷயங்களில் கவனம் வேண்டும்.

வியாபாரிகளுக்கு :

வியாபார பணிகளில் புதிய நண்பர்களின் அறிமுகமும், ஒத்துழைப்பும் மனதிற்கு மகிழ்ச்சியை ஏற்படுத்தும். கூட்டு வியாபாரப் பணிகளில் இருந்துவந்த கருத்து வேறுபாடுகள் குறைந்து ஒற்றுமை மேம்படும்.

அரசியல்வாதிகளுக்கு :

சமூகம் தொடர்பான பணிகளில் இருப்பவர்கள் நுட்பமான பேச்சுக்களின் மூலம் சாதகமான சூழ்நிலைகளை உருவாக்குவீர்கள். செயல்பாடுகளில் இருந்துவந்த தடை, தாமதங்களை சாதுர்யமான செயல்பாடுகளின் மூலம் வெற்றி கொள்வீர்கள்.

கலைஞர்களுக்கு :

கலை சார்ந்த துறைகளில் சக ஊழியர்களின் ஒத்துழைப்பு மனதிற்கு திருப்தியை ஏற்படுத்தும். சாதுர்யமான சிந்தனைகளின் மூலம் பலரின் பாராட்டுகளையும், ஆதரவையும் பெறுவீர்கள்.

நன்மைகள் :

புதிய முயற்சிகளில் இருந்துவந்த தடைகளை தகர்த்தெறிந்து, எண்ணிய இலக்கை நோக்கி சென்றடைந்து வெற்றி வாகை சூடும் வருடமாக பிறக்கின்ற புத்தாண்டு அமையும்.

கவனம் :

பேச்சுக்களில் நிதானமும், எதிர்காலம் தொடர்பான செயல்பாடுகளில் சிந்தித்து செயல்படுதலும் அவசியமாகும்.

வழிபாடு :

வியாழக்கிழமைதோறும் தட்சிணாமூர்த்தியை வழிபாடு செய்துவர ஆரோக்கியம் நிமிர்த்தமான இன்னல்கள் குறையும்.