சூழ்நிலைகளை அறிந்து சாதுர்யமாக செயல்படும் மிதுன ராசி அன்பர்களே…!!

2022ஆம் வருடத்தில் மிதுன ராசிக்காரர்களுக்கு புதுமையான விஷயங்களில் ஆர்வம் அதிகரிக்கும். மனதில் நினைத்த காரியங்களை செய்து முடிப்பீர்கள். மனதிற்கு பிடித்த பொருட்களை வாங்கி மகிழ்வீர்கள். செயல்திறனும், புத்திசாலித்தனமும் வெளிப்படும்.

பொருளாதாரம் :

பொருளாதாரம் தொடர்பான நெருக்கடிகள் குறையும். நிலுவையில் இருந்துவந்த தனவரவுகள் கிடைப்பதற்கான சூழ்நிலைகள் ஏற்படும். குடும்ப உறுப்பினர்களிடம் அவ்வப்போது சிறு சிறு கருத்து வேறுபாடுகள் தோன்றி மறையும். ஆரோக்கியம் சார்ந்த விஷயங்களில் கவனம் வேண்டும்.

பெண்களுக்கு :

நீண்ட நாள் ஆசைகளை நிறைவேற்றிக் கொள்வீர்கள். வெளியூர் செல்வது தொடர்பான பயண வாய்ப்புகள் கைகூடும். பூர்வீகச் சொத்துக்களில் எதிர்பார்த்த பங்குகள் கிடைக்கப் பெறுவீர்கள். எதிர்மறையான எண்ணங்கள் படிப்படியாக குறையும்.

மாணவர்களுக்கு :

மாணவர்களுக்கு கல்வி சார்ந்த பணிகளில் நுட்பத்திறனும், செல்வாக்கும் அதிகரிக்கும். பெரியோர்களின் ஆலோசனைகள் மனதளவில் புதிய மாற்றத்தை ஏற்படுத்தும். புதிய ஆராய்ச்சி சார்ந்த சிந்தனைகள் அதிகரிக்கும். விலையுயர்ந்த பொருட்களின் மீதான ஆர்வம் அதிகரிக்கும்.

வியாபாரிகளுக்கு :

வியாபார பணிகளில் கூட்டாளிகளுடன் சூழ்நிலைக்கேற்ப அனுசரித்து நடந்து கொள்வது மேன்மையை ஏற்படுத்தும். கடன் சார்ந்த பிரச்சனைகளுக்கு தீர்வு கிடைக்கும். கமிஷன் தொடர்பான வியாபார வழிகளில் லாபம் மேம்படும்.

உத்தியோகஸ்தர்களுக்கு :

உத்தியோக பணிகளில் தவறிய வாய்ப்புகள் மீண்டும் கிடைக்கும். கொடுக்கல், வாங்கல் தொடர்பான விஷயங்களில் நிதானம் வேண்டும். பணிகளில் ஏற்ற, இறக்கமான சூழ்நிலைகள் காணப்படும். உணர்ச்சிவசப்படாமல் பொறுமையுடன் முடிவெடுப்பது நல்லது. செலவுகளின் தன்மைகளை அறிந்து செயல்படுவது மேன்மையை ஏற்படுத்தும்.

அரசியல்வாதிகளுக்கு :

அரசியல் சார்ந்த துறைகளில் இருப்பவர்களுக்கு வெளிவட்டாரங்களில் மதிப்பும், செல்வாக்கும் அதிகரிக்கும். மற்றவர்களின் தேவைகளை அறிந்து நிறைவேற்றி வைப்பீர்கள். மற்றவர்கள் கூறும் கருத்துக்களை கலந்தாலோசித்து முடிவெடுப்பது நல்லது.

கலைஞர்களுக்கு :

கலை சார்ந்த துறைகளில் திறமைகளை வெளிப்படுத்தி பாராட்டுகளை பெறுவீர்கள். செல்வமும், செல்வாக்கும் கூடுவதற்கான சூழ்நிலைகள் உண்டாகும். இழுபறியில் இருந்துவந்த தனவரவு கிடைக்கும். சுபகாரியம் தொடர்பான பேச்சுவார்த்தைகள் ஈடேறும்.

நன்மைகள் :

மனதில் புத்துணர்ச்சியும், செய்கின்ற முயற்சிகளில் வெற்றியும், புதுவிதமான யோசனைகளின் மூலம் முன்னேற்றத்தை உருவாக்கக்கூடிய காலக்கட்டமாக மிதுன ராசி அன்பர்களுக்கு இந்த புத்தாண்டு அமையும்.

கவனம் :

வியாபாரம் சார்ந்த பணிகளிலும், பணியாட்களிடமும் விழிப்புணர்வுடன் இருப்பது நல்லது.

வழிபாடு :

குலதெய்வத்தை வழிபாடு செய்துவர எண்ணங்களில் தெளிவும், சுபகாரியங்கள் கைகூடுவதற்கான வாய்ப்புகளும் உண்டாகும்.