ஏ.எல்.விஜய் இயக்கத்தில் பிரபுதேவா, தமன்னா, ஆர்.ஜே.பாலாஜி நடிப்பில் வெளியாகி வெற்றி பெற்ற பேய் படம் தேவி. இப்படம் பிரபுதேவாவுக்கும் ஹீரோவாக ரீ-என்ட்ரி தந்தது. தற்போது இதன் இரண்டாம் பாகம் அதே கூட்டணியில் உருவாகி உள்ளது. புதிதாக நந்திதா உள்ளிட்ட சிலர் இணைந்துள்ளனர்.
இதன் படப்பிடிப்பு முடிந்து ஏப்.,12ம் தேதி ரிலீஸாக உள்ள நிலையில் டீசரை வெளியிட்டுள்ளனர். முதல்பாகத்தில் கிராமத்து பெண்ணான தமன்னாவின் உடம்பிற்குள் நடிகையின் ஆவி ஒன்று புகுந்து கொண்டு அட்டகாசம் செய்யும்.
இரண்டாம் பாகத்தில் பிரபுதேவா, தமன்னா இருவரது உடம்பிற்குள்ளும் இரண்டு பேய்கள், புகுந்து அட்டகாசம் செய்து போன்று கதை அமைக்கப்பட்டுள்ளதை டீசர் உணர்த்துகிறது. மேலும் டீசரின் முடிவில் கோவை சரளா ஒரு பேய் அல்ல, இரண்டு பேய் என உறுதி செய்திருக்கிறார்.