தனுஷ், தற்போது வெற்றிமாறன் இயக்கத்தில் ‘அசுரன்’ படத்திலும்,’கொடி’ படத்தை இயக்கிய துரை செந்தில்குமார் இயக்கத்தில் பெயரிடப்படாத ஒரு படத்திலும் நடித்து வருகிறார்.
துரை செந்தில்குமார் படத்தில் தனுஷூக்கு வில்லனாக நடிக்க நவீன் சந்திரா ஒப்பந்தம் செய்யப்பட்டுள்ளாராம். தெலுங்கு ஹீரோவான இவர், தமிழில் ‘பிரம்மன்’ படத்தில் சசிகுமார் நண்பராக முக்கிய கதாபாத்திரத்திலும், ‘கூட்டம், சரபம், சிவப்பு’ ஆகிய படங்களில் நாயகனாகவும் நடித்துள்ளார்.
இதுவரை நடிக்காத ஒருவர் வில்லனாக நடிக்க வேண்டும் என்பதற்காக தனுஷ் படத்தில் இவரை வில்லனாக நடிக்கக் கேட்டிருக்கிறார்கள். வில்லனுக்கும் படத்தில் நல்ல முக்கியத்துவம் உள்ளதால் நவீன் சந்திரா உடனே சம்மதித்துவிட்டாராம்.