புதிய தலைவர்…. உலக வங்கியில் டேவிட் மால்பாஸ் ஒருமனதாக புதிய தலைவராக தேர்வு செய்யப்பட்டுள்ளார்

வாஷிங்டன்: உலக வங்கியின் தலைவராக, அதிபர் டிரம்ப் அரசாங்கத்தில் கருவூல அதிகாரியாக இருந்த டேவிட் மால்பாஸ் ஒருமனதாக தேர்வு செய்யப்பட்டுள்ளார். உலக வங்கியின் 25 பேர் கொண்ட நிர்வாகக்குழுவினர் கூடி, அடுத்த தலைவரை தேர்வு செய்வது குறித்து விவாதித்தனர். ஆலோசனை முடிவில் 63 வயதான டேவிட் மால்பாஸை ஒருமனதாக தேர்ந்தெடுத்தனர். டேவிட் மால்பாஸ், தற்போது டிரம்ப் அரசின் சர்வதேச விவகாரங்கள் துறையில் யுஎஸ் டிரஸ்சரி அதிகாரியாக பணிபுரிந்து வருகிறார். வரும் ஏப்ரல் 9ம் தேதி தொடங்கி அடுத்த 5 ஆண்டுகள் உலக வங்கியின் தலைவராக டே்விட்மால்பாஸ் செயல்படுவார். டெவிட் மால்பாசுக்கு எதிராக வேறு எந்த நாடும் தலைவர் பதவிக்கு யாரையும் முன்னிறுத்தவில்லை என்பது குறிப்பிட்டது.