பெங்களூரைச் சேர்ந்த சலூனில் அபினந்தனின் கன்ஸ்லிங்சேகர் மீசை வைக்க இலவசம்…

அபினந்தனின் “கன்ஸ்லிங்கர் மீசை” வைக்க கட்டணம் கட்டணம் வசூலிக்கப்படாது என்று பெங்களூரைச் சேர்ந்த சலூன் ஒன்று அறிவிப்பு வெளியிட்டுள்ளது.புல்வாமா தாக்குதலுக்குப் பதிலடி கொடுக்கும் விதமாக பாகிஸ்தான் பாலகோட் பகுதியில் தீவிரவாத முகாம்கள் மீது இந்திய விமானப் படை தாக்குதல் நடத்தி திரும்பியது. அப்போது, மிக் ரக விமானத்தை இயக்கிய விங் கமாண்டர் அபிநந்தன், பாகிஸ்தானின் எப்-16 வகை விமானத்தை சுட்டு வீழ்த்திய பின் விமானத்தில் கோளாறு ஏற்பட்டது. இதனால், பாராசூட் மூலம் உயிர் தப்பிய அபிநந்தன் பாகிஸ்தான் பகுதிக்குள் விழுந்தார். அவரை ராணுவத்தினர் கைது செய்தனர். இரு நாட்களுக்குப் பின் சர்வதேச அழுத்தம் காரணமாக பாகிஸ்தான் ராணுவம் நேற்று முன்தினம் இரவு வாகா எல்லையில் அபிநந்தனை இந்திய அதிகாரிகளிடம் ஒப்படைத்தது.அபிநந்தனின் வீரத்தையும், துணிச்சலையும் நாட்டு மக்கள் அனைவரும் புகழந்தும், வரவேற்றும் வருகின்றனர். அபிநந்தனுக்குப் புகழாரம் சூட்டும் வகையில் இளைஞர்கள் பலர் அபிநந்தன் வைத்திருக்கும் மீசையைப் போல் தங்கள் மீசையையும் வடிவமைத்துக் கொள்வதில் ஆர்வம் காட்டி வருகின்றனர். இந்நிலையில் அபினந்தனின் “கன்ஸ்லிங்கர் மீசை” வைக்க கட்டணம் கட்டணம் வசூலிக்கப்படாது என்று பெங்களூரைச் சேர்ந்த சலூன் ஒன்று அறிவிப்பு வெளியிட்டுள்ளது. இதனால், இளைஞர்கள் மத்தியில் இந்த மீசை டிரெண்டாகி வருகிறது.