முதல் முறையாக டாப் 10ல் ஆஷ்லி பார்தி இடம் பிடித்துள்ளார்.

மயாமி ஓபன் டென்னிஸ் தொடரின் மகளிர் ஒற்றையர் பிரிவு பைனலில் செக் குடியரசின் கரோலினா பிளிஸ்கோவாவை வீழ்த்தி சாம்பியன் பட்டம் வென்ற ஆஸ்திரேலிய வீராங்கனை ஆஷ்லி பார்தி (22 வயது), தரவரிசையில் முதல் முறையாக டாப் 10ல் இடம் பிடித்துள்ளார். மயாமி தொடருக்கு முன்பாக 11வது இடத்தில் இருந்த பார்தி, தற்போது 4275 புள்ளிகளுடன் 2 இடம் முன்னேறி 9வது இடத்தை பிடித்துள்ளார்.ஜப்பானின் நவோமி ஒசாகா நம்பர் 1 அந்தஸ்தை தக்கவைத்துக் கொண்டுள்ளார். சிமோனா ஹாலெப் (ரோமானியா) ஒரு இடம் முன்னேறி 2வது இடத்தைப் பிடித்துள்ளார். 2வது இடத்தில் இருந்த பெத்ரா குவித்தோவா (செக்.) 3வது இடத்துக்கு பின்தங்கினார். மயாமி பைனலில் தோல்வியைத் தழுவினாலும், கரோலினா பிளிஸ்கோவா (செக்.) 3 இடம் முன்னேறி 4வது இடத்தை பிடித்துள்ளார்.