நடிகர் விஷாலுக்கும், அவரது உறவினர் மகளும் தெலுங்கில் ஒரு சில படங்களில் சிறிய வேடங்களில் நடித்தவருமான அனிஷாவுக்கும் நேற்றுமுன்தினம் திருமண நிச்சயதார்த்தம் நடைபெற்றது. இந்த நிகழ்ச்சியில் வெகு சில திரைப்பிரபலங்களே பங்கேற்றனர்.
மலையாள திரையுலகில் இருந்து நடிகர் மோகன்லால், தனது மனைவி சுசித்ராவுடன் நிச்சயதார்த்த விழாவில் கலந்து கொண்டு மணமக்களை வாழ்த்தினார். மோகன்லால், தற்போது ஐதராபாத்தில் தனது ‘மரைக்கார் ; அரபிக்கடலிண்டே சிம்ஹம்’ படத்தில் நடித்து வருகிறார்.
விஷாலும். மோகன்லாலும் இரண்டு வருடங்களுக்கு முன்பு மலையாளத்தில் வில்லன் என்கிற படத்தில் இணைந்து நடித்திருந்தனர். இந்தப்படம் தெலுங்கில், வரும் மார்ச் 21ஆம் தேதி ‘புலி ஜூதன்’ என்கிற பெயரில் வெளியாக உள்ள நிலையில் விஷாலின் நிச்சயதார்த்தத்தில் மோகன்லால் கலந்து கொண்டது இந்த படத்திற்கு ஒரு புரமோஷன் நிகழ்ச்சி போலவும் அமைந்துவிட்டது என்று சொல்லலாம்.