கார்த்திக் சுப்பாராஜ் இயக்கிய ‘பேட்ட’ படத்தை தொடர்ந்து ஏ.ஆர்.முருகதாஸ் இயக்கத்தில் நடிக்கிறார் ரஜினிகாந்த். லைகா புரடக்ஷன் தயாரிக்கும் இந்த படத்திற்கு இன்னும் தலைப்பு சூட்டப்படவில்லை. ஏப்ரல் 10 ஆம் தேதி அன்று மும்பையில் இந்த படத்தின் படப்பிடிப்பு தொடங்குகிறது. சுமார் ஒரு மாதம் அங்கே படப்பிடிப்பு நடைபெறுகிறது.
இந்தப் படத்தில் ரஜினிக்கு ஜோடியாக நயன்தாரா நடிக்கிறார் என்று வெளியான செய்தி தற்போது உறுதியாகி இருக்கிறது. இவர் தவிர படத்தில் இன்னொரு நாயகியும் நடிக்கிறார் என்றும், அந்த நடிகை ரஜினிக்கு மகளாக நடிக்கிறார் என்றும், கதாநாயகியைவிட மகள் கதாபாத்திரத்துக்குத்தான் படத்தில் முக்கியத்தும் என்றும், அந்த வேடத்தில் நடிப்பதற்காக சில நடிகைகளிடம் தற்போது பேச்சு வார்த்தை நடந்து வருவதாகம் சொல்லப்பட்டது.
இந்நிலையில் அந்த வேடத்தில் நிவேதா தாமஸ் நடிக்கிறார் என்ற தகவல் வெளியாகியுள்ளது. பாபநாசம் படத்தில் கமலுக்கு மகளாக நடித்தவர்தான் இவர். பாபநாசம் படம் வெளியான பிறகு நிவேதாவைத் தேடி பல படங்கள் தேடிவந்தன. சில படங்களில் நடித்தார், ஆனால் எதுவும் அவருக்கு கை கொடுக்கவில்லை. இந்நிலையில் தான் ஏ.ஆர்.முருகதாஸ் இயக்கும் படத்தில் ரஜினிக்கு மகளாக நடிக்க கமிட்டாகியுள்ளார் நிவேதா தாமஸ்.