உலகில் மொழி தோன்றுவதற்கு முன் சைகை, ஓவியங்கள் மூலம் மக்கள் கருத்துகளைப் பரிமாறிக் கொண்டனர். இவ்வாறு வரையப்பட்ட தொன்மையான ஓவியங்கள், உலகின் பல பகுதிகளில் இயற்கையாய் அமைந்துள்ள குகை மற்றும் பாறைகளில் கண்டறியப்படுகிறது. இப்போது இந்தோனேசியாவில் இருக்கும் ஒரு தீவின் குகைச் சுவர் ஒன்றில் வரைந்திருந்த ஓவியத்தைப் பற்றி வாங்க பார்க்கலாம்.
வியக்க வைக்கும் பாறை ஓவியங்கள் :
👉 இந்தோனேசியாவில் அமைந்துள்ள சுலவேஸித் (Sulawesi) தீவின் குகைச் சுவர் ஒன்றில், 45,500 ஆண்டுகள் பழமை வாய்ந்த ஹேரி, வார்டி பன்றிகளின் (warty pig) ஓவியங்களை ஆராய்ச்சியாளர்கள் ஆடம் ப்ரூவும் அவரது குழுவினரும் கண்டுபிடித்துள்ளனர்.
👉 இந்த வார்டி பன்றிகளின் (warty pig) ஓவியங்கள் மல்பெரி வண்ண சிவப்பு தாது கொண்டு வரையப்பட்டவையாகும்.
👉 கிட்டத்தட்ட 190 பவுண்டுகள் (85 கிலோகிராம்) வரை எடையுள்ள இந்த வார்டி பன்றிகள் (warty pig) இன்றும் இந்தோனேசியாவின் ஒரு சில இடங்களில் காணப்படுகின்றன.
👉 இருப்பினும், இதன் எண்ணிக்கையானது தற்பொழுது குறைந்து கொண்டே வருகின்றது என்று ஆஸ்திரேலிய ஆராய்ச்சி மையத்தின் தொல்பொருள் பேராசிரியரான ஆடம் ப்ரூம் கூறியுள்ளார்.
👉 லியாங் பாலங்காஜியா 1, (Leang Balangajia 1) என்ற மற்றொரு ஆராய்ச்சி குழுவினரால், அதன் அருகிலுள்ள மற்றொரு குகை ஒன்றில், சுமார் 6.1 முதல் 3.6 அடி (187 முதல் 110 செ.மீ) வரை நீளமுடைய பெரிய வர்ணம் பூசப்பட்ட பன்றி கண்டுபிடிக்கப்பட்டுள்ளது.
👉 அந்த குகையில் இருந்த பழமையான இரண்டு விலங்குகளின் ஓவியங்கள் புரிந்துகொள்ள முடியாத அளவுக்கு சேதமடைந்திருந்ததாக ஆராய்ச்சியாளர்கள் தெரிவிக்கின்றனர்.
👉 டிசம்பர் 2017 இல், ப்ரூம் மற்றும் அவரது குழுவினர், இந்தோனேசிய தீவான சுலவேஸியில் (Sulawesi) உள்ள லியாங் டெடோங்கே (Leang Tedongnge) குகையில் இருந்து மூன்று வார்டி பன்றிகளின் (warty pig) ஓவியங்களை கண்டறிந்தனர்.
👉 ஹேரி, வார்டி பன்றிகள் (warty pig) சுலவேஸித் தீவுக்கு தனித்துவமானவையாகும்.
👉 இந்த பன்றிகளை மனிதர்கள் வேட்டையாடி வளர்த்தார்கள் என்று தொல்பொருள் சான்றுகள் கூறுகின்றன.
👉 இதன்மூலம் ஆரம்பகால மனிதர்கள் இந்த வார்டி பன்றிகளுடன் நெருக்கமாக தொடர்பு கொண்டிருந்தனர் என்று தெளிவாகத் தெரிவதாக ஆராய்ச்சியாளர்கள் தெரிவித்துள்ளனர்.
👉 இந்த தீவின் மற்றொரு குகையில் கண்டுபிடிக்கப்பட்ட வார்டி பன்றி (warty pig) ஒன்று, குறைந்தது 43,900 ஆண்டுகளுக்கு முந்தையது என்று 2019 ஆம் ஆண்டு ஆய்வின் மூலம் கண்டறியப்பட்டதாக, நேச்சர் இதழில் (Nature journal) செய்தி வெளியிட்டிருந்தது குறிப்பிடத்தக்கது.
‘இதெல்லாம் பார்க்கும் போது நம்மை மெய்சிலிர்க்க வைக்கிறது”