அமெரிக்க அரசியல் சாசனம் குறித்து பிரித்தானிய இளவரசர் ஹரி தெரிவித்திருந்த கருத்து ஒன்று அமெரிக்கர்களை கொந்தளிக்கச் செய்துள்ளது.
அமெரிக்காவில் நடைபெற்ற கூட்டம் ஒன்றில் உரையாற்றிய இளவரசர் ஹரி, அமெரிக்க அரசியல் சாசனத்தின் முதல் சட்டத் திருத்தம் குறித்து பேசவேண்டியது நிறைய இருக்கிறது, அதைக் குறித்து எனக்கு அதிகம் புரிந்துகொள்ள முடியவில்லை, ஆனால், அது பைத்தியக்காரத்தனமானது என்று கூறினார்.
முதலாம் சட்டத்திருத்தம் தொடங்கிய இடத்துக்கு செல்ல நான் விரும்பவில்லை, ஏனென்றால் அது ஒரு பெரிய விடயம், நான் அமெரிக்கா வந்து கொஞ்சம் காலம்தான் ஆகிறது, அது எனக்குப் புரியவும் இல்லை. ஆனால், எல்லா சட்டங்களிலும் ஓட்டைகள் இருக்கும். ஆகவே, சட்டத்தில் என்ன சொல்லப்பட்டிருக்கின்றது என்று பார்த்து அதைக் கடைப்பிடிப்பதைவிட, அந்த சட்டத்திலிருந்து அந்த ஓட்டையைப் பயன்படுத்தி தப்பப் பார்க்கலாம் என்றார் ஹரி.
ஹரியின் கருத்துக்களால் கொந்தளிப்படைந்த அமெரிக்கர் ஒருவர், அரசியல் சாசனம் தொடர்பாக ஹரிக்கு ஏதாவது பிரச்சினை இருக்குமானால், அவர் பிரித்தானியாவுக்கு திரும்பிச் செல்லலம் என்று கூறியுள்ளார்.
மற்றோருவரோ, நேரடியாகவே, அமெரிக்காவை விட்டு வெளியே போ, என்றே கூறிவிட்டார். அமெரிக்க அரசியல் சாசனத்தின் முதல் சட்டத்திருத்தம், அமெரிக்காவில் பல அடிப்படை சுதந்திரங்களை பாதுகாக்கிறது. அவற்றில், மத சுதந்திரம், பேச்சுரிமை, பத்திரிகை சுதந்திரம், மக்கள் ஓரிடத்தில் கூடும் சுதந்திரம் மற்றும் அரசின் மீதே பயமின்றி புகாரளிக்கும் உரிமை ஆகியவற்றை அளிக்கிறது என்பது குறிப்பிடத்தக்கது.
இதற்கிடையில், பிரித்தானியாவில் இது குறித்து Nigel Farage ட்வீட் ஒன்றை வெளியிட்டுள்ளார். அதில், இன்னும் கொஞ்ச காலத்தில் ஹரி இரண்டு நாடுகளுக்குமே வேண்டாதவர் ஆகிவிடப்போகிறார் என்று குறிப்பிடப்பட்டுள்ளது.