கனடாவில் இஸ்லாமிய குடும்பம் ஒன்று தங்கள் மத நம்பிக்கைக்காக கொலப்பட்ட சம்பவம் தொடர்பில் சில புதிய தகவல்கள் வெளியாகியுள்ளன.
கனடாவில், ஒன்ராறியோவிலுள்ள லண்டன் பகுதியில், Salman Afzaal (46), அவரது மனைவி Madiha Salman(44), தம்பதியரின் மகள் Yumna Salman (15), மகன் Fayez Afzal (9)மற்றும் Afzaalஇன் தாயார் ஆகியோர் நடைபாதையில் நடந்து சென்றுகொண்டிருந்தபோது, Nathaniel Veltman (20) என்ற நபர் வேண்டுமென்றே தனது வேனைக்கொண்டு அவர்கள் மீது மோதியிருக்கிறார்.
வேன் மோதியதில், Salman Afzaal, அவரது மனைவி Madiha Salman, மகள் Yumna Salman மற்றும் 74 வயதாகும் Afzaalஇன் தாய் ஆகியோர் கொல்லப்பட்டனர்.
தம்பதியரின் மகன் Fayez Afzal படுகாயமடைந்து மருத்துவமனையில் அனுமதிக்கப்பட்டிருந்தான். தற்போது, சிறுவன் Afzal மருத்துவமனையிலிருந்து விடுவிக்கப்பட்டுள்ளதாக தகவல் வெளியாகியுள்ளது.
என்றாலும், அவன் முழுமையாக குணமாக இன்னும் கொஞ்சம் காலமாகும் என அவனது உறவினரான Saboor Khan என்பவர் தெரிவித்துள்ளார். அவன் தன் உறவினர்களுடன் இருப்பதாகவும், அவர்கள் அனைவருமே அவனுக்கு ஆதரவாக இருப்பதாகவும் Khan தெரிவித்துள்ளார்.
மேலும், குற்றவாளியான Nathaniel மீது நான்கு கொலைக்குற்றச்சாட்டுகளும் ஒரு கொலை முயற்சிக் குற்றச்சாட்டும் பதிவு செய்யப்பட்டிருந்த நிலையில், தற்போது, அவர் மீது இரண்டு தீவிரவாதக் குற்றச்சாட்டுகளும் பதிவு செய்யப்பட்டுள்ளன.