இந்த அவசர உலகத்தில் பலரும் தங்கள் உடல்நலத்தில் தனிக்கவனம் செலுத்துவதில்லை. ஏதேனும் உடல்நலக் கோளாறுகள் ஏற்பட்டால் மட்டுமே உடல்நலத்தில் அக்கறை கொள்கிறார்கள். இது தவறான செயல். உடல்நலம் ஆரோக்கியமாக இருந்தால் மட்டுமே சந்தோஷமாகவும், நிம்மதியாகவும் வாழமுடியும். இன்று உடல்நலத்தைச் சீராக வைத்துக்கொள்வதற்கான சில எளிய பயிற்சியை பற்றிப் பார்ப்போம்.
ஸ்விங்கிங் (Swinging) :
👉 இரண்டு கால்களுக்கு இடையே சிறிதளவு இடைவெளி விட்டு நிற்கவேண்டும். பிறகு குதிகாலை லேசாகத் தூக்கி, கடிகாரத்தின் பெண்டுலம் போல வலப்பக்கமும் இடப்பக்கமும் தொடர்ந்து அசைக்கவும்.
இந்தப் பயிற்சியை செய்யும் போது இடுப்பை வளைக்கக் கூடாது. அசைக்கும் போது எதிர்ப்பக்கம் தெரியும் ஏதேனும் ஒரு பொருளை நன்றாகக் கவனிக்க வேண்டும்.
நீங்கள் அசைக்காமல் அந்தப் பொருள் அசைவது போல தோன்றும். பிறகு, கண்களை ரிலாக்ஸாக மூடிக்கொண்டு, மீண்டும் அசைக்கவும். ஏற்கனவே பார்த்த அந்த பொருளை நினைத்துப் பார்க்கவும்.
பின்னர் கண்களை வட்டமாக சுழற்றுங்கள். பிறகு மீண்டும் அதற்கு நேர்மாறான திசையில் வட்டமாகச் சுழற்றுங்கள். தினந்தோறும் இந்தப் பயிற்சியை நான்கு முறை செய்ய வேண்டும்.
முதலில் நேராக நின்றுகொள்ளுங்கள். பின் முகத்தைத் திருப்பாமல், இரு கண்களையும் முதலில் வலது புறமாகத் திருப்பவும். பின்னர் இடதுபுறமாகத் திருப்பவும். இந்தப் பயிற்சியை ஆறு முறை செய்ய வேண்டும்.
கண் பார்வைக்கானப் பயிற்சிகள் :
👉 ஒரு நிமிடத்திற்கு சராசரியாக 20- 25 தடவை கண்களை சிமிட்டவும். சீரான இடைவேளையில் கண் சிமிட்டினால் பார்வை தௌpவாகும். கண் அயர்வு நீங்கும்.
தினந்தோறும் மூன்று முறை குளிர்ந்த நீரால் கண்களைக் கழுவ வேண்டும். பின்னர் கைகளில் சிறிதளவு தண்ணீர் எடுத்துக் கொண்டு, கண்ணிற்கு இரண்டு அங்குல தொலைவில் கைகளை வைத்து, தண்ணீரைத் தௌpக்க வேண்டும். இவ்வாறு தொடர்ந்து 20 முறை செய்ய வேண்டும்.
பால்மிங் (Palming):
👉 ஒரு நாற்காலியில் கையின் முட்டி தொடையில் படுமாறு உட்கார வேண்டும்.
👉 பின்னர் வலது கையால் வலது கண்ணையும், இடது கையால் இடது கண்ணையும் மூடிக்கொண்டு, மனதிற்கு சந்தோஷம் தரும் பழைய நினைவுகளை நினைத்துப்பார்க்க வேண்டும்.
👉 இந்தப் பயிற்சியை தினந்தோறும் 10 நிமிடங்கள் என மூன்றுமுறை செய்ய வேண்டும்.