பெருந்தன்மையான பேச்சுக்களின் மூலம் அனைவரையும் கவரக்கூடிய கும்ப ராசி அன்பர்களே…!!

2022ஆம் வருடமானது கும்ப ராசி அன்பர்களுக்கு குடும்ப உறுப்பினர்களின் எண்ணங்களை அறிந்து சூழ்நிலைக்கேற்ப செயல்படுவதன் மூலம் ஒத்துழைப்பு கிடைக்கும். நண்பர்களின் வழியில் ஆதரவு கிடைக்கப் பெறுவீர்கள். நெருக்கமானவர்களை பற்றிய புரிதல் உண்டாகும்.

பொருளாதாரம் :

பொருளாதாரம் தொடர்பான சிக்கல்கள் குறையும். பத்திரம் சார்ந்த விஷயங்களில் சிந்தித்து செயல்படுதல் நன்மையை ஏற்படுத்தும். பாகப்பிரிவினை தொடர்பான பங்குகள் காலதாமதமாக கிடைக்கும்.

பெண்களுக்கு :

பெண்களுக்கு தனவரவுகளில் இருந்துவந்த இழுபறியான சூழ்நிலைகள் படிப்படியாக மறையும். உடன்பிறந்தவர்களிடம் அடிக்கடி கருத்து வேறுபாடுகள் ஏற்பட்டு நீங்கும். வாழ்க்கைத்துணைவரின் மூலம் அனுகூலமான பலன்கள் ஏற்படும்.

மாணவர்களுக்கு :

மாணவர்களுக்கு பொழுதுபோக்கு தொடர்பான விஷயங்களில் ஆர்வம் அதிகரிக்கும். பாடங்களை ஒன்றுக்கு இரண்டு முறை படித்து எழுதிப் பார்ப்பது நல்லது. ஆராய்ச்சி சார்ந்த துறைகளில் வெளியூர் தொடர்பான பயண வாய்ப்புகள் கைகூடும்.

உத்தியோகஸ்தர்களுக்கு :

உத்தியோகம் சார்ந்த பணிகளில் அலைச்சல்கள் அதிகரிக்கும். இடமாற்றம் தொடர்பான சிந்தனைகளின் மூலம் அவ்வப்போது குழப்பங்கள் ஏற்படும். உயர் அதிகாரிகளிடம் மனம் விட்டுப் பேசுவதன் மூலம் சாதகமான சூழ்நிலையை உருவாக்க இயலும். முக்கியமான பொறுப்புகளில் பதற்றமின்றி நிதானத்துடன் செயல்பட வேண்டும்.

வியாபாரிகளுக்கு :

வியாபார பணிகளில் சிறு சிறு தடைகளுக்குப் பின்பு நிலையான முன்னேற்றத்தை அடைவீர்கள். வேலையாட்களின் திறமையை அறிந்து அதற்குத் தகுந்தாற்போல் பணிகளை கொடுப்பது நல்லது. பணி நிமிர்த்தமாக வெளியூர் பயணங்கள் செல்வதன் மூலம் உடல் ஆரோக்கியத்தில் ஏற்ற, இறக்கங்கள் ஏற்படும்.

அரசியல்வாதிகளுக்கு :

சமூகப் பணிகளில் இருப்பவர்கள் வேகத்தை விட விவேகத்தை கையாளுவது நல்லது. புதுவிதமான அனுபவங்கள் உண்டாகும். கருத்துக்களில் கனிவுடன் இருப்பது உங்களின் மீதான நம்பிக்கையை மேம்படுத்தும். சிந்தனைகளின் போக்கில் மாற்றங்கள் உண்டாகும்.

கலைஞர்களுக்கு :

கலை சார்ந்த துறைகளில் இருப்பவர்களுக்கு கற்பனை வளமும், எழுத்து புலமையும் மேம்படும். உண்மை நிலைகளை அறிந்து செயல்படுவது உங்களின் மீதான நம்பிக்கையை அதிகரிக்கும். எதிர்பாராத சில வெளியூர் பயண வாய்ப்புகள் கிடைக்கப் பெறுவீர்கள்.

நன்மைகள் :

புதுமையான வியூகங்கள் மற்றும் நுட்பமான சிந்தனைகளின் மூலம் ஆதரவான சூழ்நிலைகளை உருவாக்கி நன்மதிப்பையும், செல்வாக்கையும் பெருக்கிக் கொள்வதற்கான வருடமாக பிறக்கின்ற புத்தாண்டு அமையும்.

கவனம் :

குடும்ப உறுப்பினர்களிடம் பொறுமையுடனும், கடன் சார்ந்த விஷயங்களில் நிதானமாகவும், உயர் அதிகாரிகளிடம் விவேகத்துடனும் நடந்து கொள்வது நல்லது.

வழிபாடு :

வியாழக்கிழமைதோறும் நரசிம்மரை வழிபாடு செய்துவர செயல்பாடுகளில் இருந்துவந்த தடை, தாமதங்கள் விலகும்.