லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன், சாந்தனு, அர்ஜுன் தாஸ் உள்ளிட்டோர் நடித்துள்ள மாஸ்டர் படம் பொங்கல் பண்டிகை ஸ்பெஷலாக வரும் 13ம் தேதி தியேட்டர்களில் வெளியாகவிருக்கிறது.
இந்நிலையில் மாஸ்டரை கொண்டாட தயாரிப்பு தரப்பு ப்ரொமோ வீடியோக்களை வெளியிட்டு ரசிகர்களை கவர்ந்து வருகிறது. மாஸ்டர் படத்தில் வரும் வாத்தி கமிங் பாடலுக்கு யூடியூபில் 100 மில்லியன் வியூஸ் கிடைத்துள்ளதை கொண்டாடும் வகையில் விஜய் சூப்பராக ஸ்டெப்ஸ் போடும் ப்ரொமோ வீடியோவை நேற்று வெளியிட்டார்கள்.
இதையடுத்து மாஸ்டர் பேசி இன்னும் பாக்கலைல? இன்னைக்கு பாப்பீங்க. மாலை 6 மணி வரை காத்திருக்கவும் என்று தயாரிப்பு தரப்பு ட்வீட் செய்தது. அறிவித்தபடி 6 மணிக்கு இரண்டாவது ப்ரொமோ வீடியோ வெளியாகியுள்ளது.
அந்த வீடியோவில், இதுக்கு முன்னாடி இங்க வந்தவன்லாம் உயிர் பயத்துல ஓடிப் போயிருக்கலாம், ஆனால் என் கதையே வேற. முடிஞ்சா தொடச் சொல்றா பார்ப்போம் என்று கெத்து காட்டுகிறார் விஜய்.
ப்ரொமோ வீடியோவை பார்த்த ரசிகர்கள் கூறியிருப்பதாவது,
ப்ரொமோவே இப்படி இருக்கே, அப்படி என்றால் படத்தை பற்றி சொல்லவா வேண்டும். இத்தனை மாதங்களாக வாத்திக்காக காத்திருந்து வீண் போகவில்லை. நீ வா வாத்தி என்று தெரிவித்துள்ளனர்.
இதற்கிடையே மாஸ்டர் படத்தின் சென்சார் சான்று வெளியாகி வைரலாகியுள்ளது. மாஸ்டருக்கு யு/ஏ சான்று கிடைத்துள்ளது. படம் 178 நிமிடங்கள் 35 நொடிகள் ஓடுமாம். சுமார் 3 மணிநேரம் விஜய், விஜய் சேதுபதியை பெரிய திரையில் பார்த்து ரசிக்கலாம். நெய்வேலியில் படப்பிடிப்பு நடந்தபோது விஜய் தன் ரசிகர்களுடன் சேர்ந்து எடுத்துக் கொண்ட செல்ஃபியை படத்தின் கடைசியில் சேர்த்திருக்கிறாராம் லோகேஷ் கனகராஜ். சாதனை படைத்த அந்த செல்ஃபி நிச்சயம் விஜய் ரசிகர்களுக்கு ட்ரீட்டாக இருக்கும். மாஸ்டர் படம் தமிழ், தெலுங்கு, கன்னடம் மற்றும் இந்தி ஆகிய நான்கு மொழிகளில் ரிலீஸாகவிருக்கிறது. இந்நிலையில் அடிக்கடி அப்டேட் கிடைப்பதால் விஜய் ரசிகர்கள் செம ஹேப்பியாக இருக்கிறார்கள்.